Ցոյց տուր կառուցուածքը

«Մշակ»-ը եղել է կովկասահայ լիբերալ-բուրժուական հոսանքի կարևոր օրգան։ Այդ հոսանքի գաղափարախոսն էր Գրիգոր Արծրունին (1845-1892թթ.)։ Նա է հիմնել և խմբագրել (1872-1892թթ.) «Մշակ» լրագիրը, որի անունով «մշակականներ» էին կոչվում հիշված հոսանքին պատկանողները։ «Մշակ»-ին աշխատակցել են Մելիքզադեն (Րաֆֆի), Գ. Չմշկյանը, Ա. Արասխանյանը, Գ. Սունդուկյանը, Սպ. Սպանդարյանը (Յունուս) , Հ. Աբելյանը, Պ. Պռոշյանը, Ա. Ծատուրյանը, Ա. Արփիարյանը (Հայկակ), Սյուլուկը (Ռ. Պատկանյան), Փ. Վարդանյանը, Մ. Միանսարյանը, Ս. Արծրունին, Գ. Բաշինջաղյանը, Շիրվանզադեն, Լեոն, Ստ. Մալխասյանը, Վ. Փափազյանը, Ն. Բյուզանդը և այլոք:

Համզաչիմանում մի նոր եկեղեցու շինարարության և դպրոցի վատ վիճակի մասին։
Հնագետների ժողովի անդամ Զեյդլիցի այցը Ղուբայ։
Դիլիջանում երկու սիրահարների փախուստի մասին։
Համամլուում դպրոց կառուցելու վերաբերյալ Պապիկ սրբազանի հորդորները։
Մորեխին ոչնչացնելու նպատակով Թիֆլիսում կազմակերպված հանգանակությունը։
Ալեքսանդրապոլում թուրքերի ավազակությունների շատանալու մասին։
Ալեքսանդրապոլում հացի ու մթերքի գների ցուցակը։
Ալեքսանդրապոլից Ղարս ներկրվող հացի պաշարների մասին։
Ալեքսանդրապոլում օրիորդաց ծխական դպրոց բացելու Մկրտիչ և Ալեքսանդր Արաբաջյանների որոշումը։